Mabaton sang duha ka mga anak kag bana sang nataliwan nga aktres kag “Meteor Garden” star nga si Barbie Hsu, ang iya mga ginbilin nga manggad nga ginabanta sa balor nga 600 milyon Yuan ukon yara sa P4.7 billion,suno sa report sang mga media sa Taiwan.
Ginkumpirmar naman ini ni DJ Koo, suno sa iya ang bug-os nga manggad ang pagatungaon nila sang napulo ka tuig nga babaye kag walo katuig nga bata nga lalaki ni Hsu.
Bangud ang mga bata ang mga menor de edad pa, ang ila nga mga parte ang ihatag sa ila nga amay, nga si Wang Xiaofei kag makuha lamang kun maglab-ot na ang mga ini sa legal nga edad.
Sa isa ka pahayag, ginpahayag ni Koo nga plano sini nga ihatag ang iya nga bahin sa manggad sa iloy ni Barbie Hsu bangud sa mga sakripisyo sang iya ugangan sa iya nga pamilya.
Si Koo ang una nga bana ni Barbie Hsu nga nagbulagay sadtong 2,000 kag nagbalikay matapos ang divorce ni Hsu kay Wang.
