Nabilin nga wala pa na drug-cleared nga Barangay sa Silay City, duha na lamang

Duha na lang ka barangay ang nabilin sa ciudad sang Silay nga wala pa na clear sa illegal nga druga.

Sa interview sang Bombo Radyo kay Plt Col Mark Anthony Darroca, hepe sang Silay City PNP, sa 16 ka barangay sa ciudad sang Silay, ang Barangay Mambulac kag Barangay Guinhalaran na lamang ang indi pa drug cleared barangay.

Suno diri, ila ginatutokan ang pag-aresto sa mga drug pushers sa ciudad apang wala lamang sila nagafocus sa pagdakop, may yara man sila sang rehabilitation para sa mga biktima sang illegal nga druga.

Pahayag ni Darroca, indi sila mag-untat tubtob nga ma-clear sa illegal nga druga ang tanan nga barangay sa ciudad.