Nagdesisyon ang House Prosecution Panel, paagi kay Private Prosecutor Atty Lorna Kapunan, nga indi na ipresentar ang iban nga mga witness sa Article 1 ukon misuse sang Confidential Funds.
Luyag sang House prosecution panel nga si Vice President Sara Duterte mismo ang ipresentar bilang testigo sa ginapangatubang sini nga Impeachment trial.
Suno kay Kapunan, indi na nila ipresentar ang nabilin nga 15 ka testigo sa ila nga initial list para sa Article 1, sa baylo, magahingyo ang prosekusyon sang subpoena para mapaatubang si VP Sara sa Impeachment court.
Ginhingyo man sang prosekusyon nga ipaiway anay ang hearing sa impeachment trial para bwas, Setyembre 9 agud mahatagan sang nagakaigo nga oras ang duha ka partido para sa markings sang mga ebidensya.
Bangod sini, gintalana ang pagpadayun sang trial sa Lunes, Setyembre 14.
Gin-anunsyo ni Presiding Officer Francis “Chiz” Escudero ang pormal nga schedule sang impeachment trial.
Humalin sa Setyembre 8 tubtob 30, patigayunon ang hearing halin alas-10:00 sang aga tubtob alas-2:30 sang hapon.
Samtang whole-day naman ang trial sa Oktubre 1, 2, 5, 6, 7, 8, 9, 12, 13, 14 kag 15.
