Nag-ayo ang suspek nga nadakpan nga llegal nga nagatakod sang kuryente sa seconday line sang Negros Electric and Power Corporation (NEPC) nga kun tani panuboan ang kaso nga idagdag sa iya.
Ang suspect ang ginkilala nga si Jimmy Cepeda, residente sang Purok Makawiwili, Barangay Banago, Bacolod City.
Si Cepeda ang naaktuhan nga illegal nga nagatakod sang electric wire sa secondary line sang Negros Power, nga wala nagalabay sa kuntador.
Sa interview sang Bombo Radyo kay Cepeda, may duha ini ka bata nga may pamilya na nga kaupod sini sa ila balay kag indi sini masarangan nga makita ang iya apo nga naga-antos sa mainit nga panahon.
Suno diri, wala man siya sang extra nga oras nga magproseso sang ila kuryente bangod wala man ini sang maipakita nga valid ID kay wala man siya sang permanenta nga trabaho kag kun kaisa nagaconstruction ukon naga-uling lamang.
Gin-ako man ni Cepeda ang iya sala nga sang siya naaktohan sa iya ginahimo, wala na ini nalagyo kag nagkooperar na lang.
Si Cepeda ang matatlo na ka beses nga nadakpan bangod sa illegal tapping kun sa diin una na siya nga ginwarningan kag ginpatawag kag ginwarningan sa liwat apang sa karun nadakpan kag napreso na.
Nagpanawagan naman ini nga kun mahimo panuboan lang ang iya kaso ukon bayaran na lang sini ang ila naconsume bangod indi niya masarangan nga mapalayo sa iya pamilya.
