Nadakpan nga kawatan sa Brgy 28, Bacolod City, nakuhaan pa sang suspected shabu

Nakuhaan sang pito ka sachet sang suspected shabu ang kawatan nga nadakpan sa Luzuriaga Street, Barangay 28, Bacolod City.

Ang suspect ang ginkilala nga si Gilbert Buenaventura, 43 anyos, wala sang trabaho, residente sang Purok Pilipinhon, Barangay 30, Bacolod City.

Narecover sa suspect ang kinawatan nga 120kg capacity weighing scale ukon kilohan nga balor P20,000.

Magluwas sa kinawatan, nakuha man diri ang itom nga pouch kun sa diin nasulod ang pito ka sachet sang suspected shabu, disposable lighter kag drug paraphernalia.

Si Buenaventura ang natalana nga mangatubang sang kaso nga theft ukon pagpangawat kag paglapas sa Republic Act 9165 ukon Comprehensive Dangerous Drugs Act of 2002.