Ginpahayag sang Philippine Drug Enforcement Agency (PDEA) – Bacolod nga wala sang previous case nga narecord sa ila nga ahensya ang duha ka mga suspetsado gani ila pa ini nga ginapadalman.
Suno kay Agent Bamboo, Team Leader sa PDEA Bacolod, sa karun ang impormasyon palang sang mga ini nga ang duha ka suspect ang lunsay mga Muslim gikan sa Marawi kag naka-address sa karun sa Barangay 31 kag Barangay Villamonte.
Santo sa ila inisyal nga imbestigasyon, kapin isa ka bulan palang sa syudad sang Bacolod ang mga suspetsado.
Aminado naman ini nga limitado palang ang nakuha nila nga impormasyon gikan sa mga suspetsado kag ila pa nga ginatunguhaan nga mahibaluan kun konektado sa mga drug groups ang mga nadakop.
Nagatipon man ang mga ini sang impormasyon gikan sa iban nga mga ahensya nga mahimo makabulig sa kaso.
Ginakalipay man sang PDEA nga natapna ang hulog sang droga sa probinsya kag wala na nagdangat pa sa kumunidad.
Madumduman nga tatlo ka kilo sang suspected shabu nga nagabalor P20.4 million ang nakumpiskar gikan kanday Aslanie Desomangcop Usman kag Jalanie Mohammad Ambulo.
Ginalauman naman ni Agent Bamboo nga magaflactuate ang supply sang iligal nga droga sa probinsya sang Negros Occidental apang ginalantaw sang mga ini nga mahimo mabalik man gihapon ang negosyo sa tion nga makakita ang mga durugista sang panibag-o nga pamaagi.
Pasalig naman ni Agent Bamboo nga ginapasanyog pa nila ang pagtsekyar sa mga airports kag seaports kag padayun man ang ila routine projects sa mga puerto upod ang Philippine Coast Guard.//// VC: AGENT BAMBOO, TEAM LEADER SANG PDEA BACOLOD
