Nagdangat na sa pito ang nadakpan sa pagbayolar sa COMELEC gunban sa bahin sang probinsya sang Negros Occidental.
Sa interview sang Bombo Radyo Bacolod kay Negros Occidental Police Provincial Office Spokesperson Police Captain Judesses Catalogo, ang mga nadakpan ang naggikan sa asod-asod nga pagpatuman sang buy-bust operations kag nadakpan sa Illegal possession of firearms.
Suno diri, may tig-isa ka nadakpan sa ciudad sang Cadiz, Talisay, kag banwa sang Pulupandan, Hinigaran kag Toboso, samtang may duha nga nadakpan sa ciudad sang Sagay.
Ang mga nakumpiskar nga armas-luthang amo ang 45 caliber revolver, 22 revolver, kag 9mm revolver.
Dugang pa sini, wala sang pyansa sa madakpan sa gunban kag gin-paathag nga bisan replica lang sang armas, mahimo sa gihapon nga madakop ang nagabitbit sini.
