Padayun pa gihapon ang operasyon sang mga kapulisan sa Kingdom of Jesus Crist (KOJC) ang makabig nga pinakadako nga challege para sa operasyon sang mga kapulisan sa Davao.
Sa interview sang Bombo Radyo Bacolod kay Special Task Group Teknon Alpha Spkesperson Police Brig Gen Roderick Augustos Alba, ang Special Task Group ang gintukod agud madala sa korte ang tanan nga mga na-issuehan sang warrant of arrest, kag nagapanguna diri si Pastor Apollo Quiboloy.
Ginakabig nila nga high profile ang kaso bangod lider sang simbahan ang serbihan sang arrest warrant kag madamo sang miyembro.
Sa walo ka adlaw nga operasyon, nahimo naman nila nga mapanubo ang mga areas nga ginasearch sa 40 tubtob 50 percent sang 30 hectares nga propedad.
Magluwas sa nadetect nga heartbeat sa idalom sang duta, ang ila intelligence information ang hugot man nga nagatudlo nga yara lamang sa compound ang pastor.
Paathag ni Alba nga ang order gikan sa Korte ang wala nagapa-untat sang pagserbe sang warrant of arrest, sa baylo ini ang nagaseguro lamang sang safety sang mga KOJC members nga yara sa compound.
Suno diri, si Police Regional Office 11 Director Police Brigadier General Nicolas Torre III, nga amo ang pinuno sang Special Task Group Teknon Alpha ang makadesider kun ipa-untat na ang operasyon.
