Nadine Lustre, nagfile sang Safe Space Act complaint, kasunod sang gina-alegar malisyoso nga mga pag-atake sa iya sa social media

Nagfile sang complaint sa pagbayolar sa Safe Space Act ang aktres nga si Nadine Lustre kahapon kasunod sa mga “relentless and malicious attacks” nga nagakabaton sini halin sa social media.

Siya ang nangin target sang harassment sa social media sang ginpakigbahin sini ang iya political views sa ginpatigayon nga National Elections.

Wala pa sa karun nakapagwa ang aktres sang statement angot diri apang madamo sa mga netizens ang naghatag sang suporta kag nagalaum nga madamo sang ma-inspire sa ginhimo sini.

Samtang, nagpadala man sang suporta si Mamamayang Liberal (ML) Partylist representative Leila de Lima sa pagfile sang complaint ni Nadine.