132 ang mga bag-o nga kaso sang COVID-19 nga narekord sa ciudad sang Bacolod kahapon samtang 31 naman ang nagdugang sa probinsya sang Negros Occidental.
Santo sa Department of Health Region 6 COVID-19 case bulletin no. 164, nakarecord ang Western Visayas sang 229 ka dugang nga mga kaso nga ginalakipan sang 132 sa Bacolod City, 31 sa Negros Occidental, 28 sa Iloilo City, 26 sa Iloilo Province, lima sa Capiz, apat sa Aklan, duha sa Antique samtang isa naman ang sa Guimaras.
Sa 229 ka panibag-o nga kaso, 199 diri ang local cases, tatlo ang returning overseas Filiinos (ROF), duha ang authorized person outside residence samtang for verification naman ang nabilin nga 25.
Sa karun, may yara na sang kabug-usan nga 6,382 ka mga kaso ang narecord sa Western Visayas nga may 3,037 ka mga aktibo nga kaso.
Samtang 3,251 naman ang mga nakarecover sa pagdugang sang 217 nga bag-o kag nagdangat naman sa 94 ang numero sang nagtaliwan sa pagdugang sang apat nga napatay.
Yara naman sa 69.42% ang asymptomatic sa kabug-usan nga kaso sang rehiyon.
Sa karun, ang kabug-usan nga kaso sa Bacolod ang nagdangat na sa 2,056 samtang ang kaso naman sa Negros Occidental ang nagdangat na sa 1,582.
Samtang nagpanawagan naman si Toboso Mayor Richard Jaojoco sa mga Toboseños nga yara sa Bacolod City nga makig-angot sa Mayor’s Office sang Toboso sa numero nga 09279708385 para sa foodpacks karun nga yara sa modified enhanced community quarantine ang Bacolod.
