Nadugangan kahapon sang 93 ang kaso sang COVID-19 sa ciudad sang Bacolod samtang 18 naman ang nagdugang sa probinsya sang Negros Occidental.
Santo sa Department of Health Region 6 COVID-19 case bulletin no. 154, nakarecord ang Western Visayas sang 182 ka dugang nga mga kaso nga ginalakipan sang 93 sa Bacolod City, 45 sa Iloilo City, 18 sa Negros Occidental, 14 sa Capiz, anum sa Iloilo Province samtang tig-isa naman sa Aklan kag Guimaras.
Sa 182 ka panibag-o nga kaso, 173 diri ang local cases, apat ang authorized person outside residence (APOR) duwa ang returning overseas Filiinos (ROF) samtang tatlo naman ang for verification.
Sa karun, may ara na sang kabug-usan nga 4,073 ka mga kaso ang narecord sa Western Visayas nga may 1,881 ka mga aktibo nga kaso sa pagdugang sang 182.
Samtang 2,132 naman ang mga nakarecover sa pagdugang sang 260 nga bag-o kag nagdangat naman sa 60 ang numero sang nagtaliwan sa pagdugang sang apat nga napatay.
Yara naman sa 79.68% ang asymptomatic sa kabug-usan nga kaso sang rehiyon.
Sa karon, may yara na sang 977 ka mga kaso ang ciudad sang Bacolod samtang 1,071 naman sa probinsya sang Negros Occidental.
