132 ka mga bag-o nga kaso ang nagdugang sa probinsya sang Negros Occidental samtang 44 naman sa ciudad sang Bacolod.
Santo sa COVID-19 Regional Case Bulletin No. 175 sang Center for Health Development-Western Visayas, nakarekord sang 251 ka mga bag-o nga infections sa Region 6 kahapon.
214 diri ang local cases, 27 ang locally stranded individuals, siyam ang returning overseas Filipinos kag isa naman ang authorized person outside residence.
132 sa mga bag-o nga kaso ang naghalin sa Negros Occidental; 54 sa Iloilo City; 44 sa Bacolod City; 10 sa Iloilo province; 10 man sa Capiz kag isa sa Guimaras.
Samtang, 371 naman ang narekord nga bag-o nga recoveries kun sa diin nagpanguna ang ciudad sang Bacolod may 273, Negros Occidental nga may 62, Iloilo province nga may 21, Iloilo City nga may 13 kag tag-isa naman sa Guimaras kag Antique.
May 10 naman nga narekord nga bag-o nga nagkalamatay kun sa diin lima diri ang naghalin sa Bacolod, tatlo sa Capiz kag duha sa Negros Occidental.
Sa pinakaulihi nga data, may yara sang kabug-usan nga 8,804 ka mga COVID-19 cases sa Western Visayas kun sa diin 3,545 diri ang aktibo nga kaso kun sa diin 70.13% ang asymptomatic; 5,121 ang total recoveries kag 138 ang death toll.
Ang ciudad sang Bacolod ang may kabug-usan nga kaso nga 3,007 samtang ang Negros Occidental naman ang nagadangat na sa 2,319.
