Masobra sa 60 porsyento na ang naka-early voting sa Estados Unidos para sa US presidential elections.
Sa interview sang Bombo Radyo Bacolod kay Noor Moraña, Bombo International News Correspondent derekta sa Houston, Texas, USA, madamo na sang estado ang nagpatigayon sang early voting kag tatlo na lamang ka states ang wala naka-umpisa sang pagbinotohay.
Suno diri, tubtob sa gab-i ang voting schedule kag kun kaisa malawig ang linya apang madasig ang paggiho bangod nga madasig ang proseso.
Pahayag ni Moraña, ang democrats nga nagasuporta kay Vice President Kamala Harris ang may yara sang 226 electoral votes samtang ang Republicans naman nga nagasuporta kay former president Donald Trump ang may yara lamang sang 219 electoral votes.
Kun sin-o ang makakuha sang 270 ukon masobra pa nga electoral votes amo ang magadaog.
Sa bahin naman sang popular vote nagapanguna si Harris samtang sa electroral vote forecast nagapanguna si Trump.
Malapuyot ang kampanya suno kay Moraña kun sa diin kahapon yara si Harris sa Texas nga madamo sang Republicans samtang subong nga adlaw si Trump ang yara sa New York nga madamo sang Democrats.
Mahibaluan kun sin-o ang magapungko bilang bag-o nga presidente sang Estados Unidos sa Nobyembre 5 alas- 7:00 sang gab-i, oras sa Estados Unidos.
