Ginapakay-o na sa kontraktor ang taytay nga naguba sa Barangay Puey, Sagay City kasunod sa mabaskog nga pag-ulan sang tinalikdan nga Sabado.
Sa interview sang Bombo Radyo kay Sagay City Mayor Rafael Cueva, nakapauli na ang iban nga mga evacuees sa pila ka mga eskwelahan sa Brgy Fabrica kag Brgy Paraiso samtang ginabantayan pa ang weather condition kun liwat nga magakanselar sang klase.
Suno diri, ang mga nagpabilin sa evacuation area amo ang mga may totally damage nga mga balay.
Suno kay Cueva, nagpatigayon naman sang assesment sa kun ano ang mabulig sa mga apektado sa pagbaha kag lauman nga sa masunod nga semana makuha na ang assitance agud nga mapanghatag na sa mga pumuluyo.
Dugang pa sang alkalde nga ginkadtuan naman nila ang taytay nga naguba sa Barangay Puey kag gin-asses kun ano kadako ang damage, samtang napasalig naman ang kontraktor nga gilayon nila ini nga kay-uhon.
