Nagaangsakanay sa motorsiklo, patay matapos gintiro sang mga suspetsado nga nagaangkasanay man sa motorsiklo sa banwa sang Isabela kaina sang udto

Duha ang patay kasunod sang shooting incident nga nagluntad sa Sitio Balo, Barangay 5 banwa sang Isabela kaina sang udto kun sa diin nagasakay sa motorsiklo ang mga suspetsado.

Sa interview sang Bombo Radyo kay Police Capt. Ar-Jay Dangarang, hepe sang Isabela Municipal Police Station, nagasakay ang duha ka biktima sa motorsiklo kag ginsundan sang mga suspetsado nga nagasakay man sa motorsiklo kag sila ang gintiro pag-abot sa lugar.

Bangud sa madamo nga igo sang bala sa lawas, dead on the spot ang mga biktima.

Tubtub subong, wala pa nakilala ang duha ka mga biktima.

Matapos ang insidente, nagpalagyo ang duha ka suspetsado padulong sa banwa sa La Castellana.

Padayon pa ang imbestigasyon sang Isabela Municipal Police Station angot sa krimen.