Tuman ang nerbyos sang isa ka iloy nga nagabusong matapos mabatian ang mabaskog nga pagbayluhanay sang lupok kasunod sa nagluntad nga engkwentro sa tunga sang South-West Front kag katapo sang 15th Infantry Battalion sang Philippine Army sa banwa sang Cauayan kahapon humalin sang aga tubtob sang hapon sang Mayo 16.
Sa interview sang Bombo Radyo kay alyas “Bebe”, residente sang nasambit nga lugar, daw mabata siya bangud sa kakulba sang nabatian ang mabaskog nga paglinupok sa likod sang ila balay.
Suno diri, malawig ang pagbayluhanay sang lupok gani wala na sila nakagwa pa sa ila puluy-an kag nagpanago na lamang sa idalom sang lamesa.
Suno kay alyas “Bebe”, sila lang sang iya tatlo ka mga kabataan ang yara sa balay bangud ang iya bana nga construction worker ang yara sa iya trabaho.
Pahayag sini, ini ang una nga kahigayunan nga na-eksperyensya siya nga may paglinupkanay.
Nagapangabay si alyas “Bebe” nga ma-untat na ang kaangay nga hitabo sa ila nga lugar.
