Wala ginapahanugutan ang pagdala sang backpacks sa mga festival sites sang Bacolod Masskara Festival 2024.
Sa interview sang Bombo Radyo Bacolod kay Police Major Elmer Bonilla, station commander sang Bacolod Police Station 1, may mga pumuluyo ukon mga bisita nga indi submissive sa personal screening area gani nagrequest ang mga kapulisan sa Bacolod Yuhum Foundation paagi kay Bacolod City Director Police Col. Joeresty Coronica sang metal detector.
Suno kay Bonilla kun may metal detector mas madasig ang pagtsekyar sa mga dala sang mga bisita kag mga pumuluyo sa festival sites.
Suno diri maayo medyo matawhay pa sa karun apang sa highlights sang festival ginalauman ang pagdagsa sang madamo nga tawo.
Ginadumilian man ang pagdala sang mga dalagko nga mga backpacks sa festival sites agud nga malikawan ang pagdala sang mga kontrabando.
Kaangay lamang sang natabo sa Zamboanga City kun sa diin ang isa ka fiesta goer ang nagdala sang bomba sa festival site.
Agud nga malikawan ini wala na ginapahanugutan ang pagdala sang dalagko nga backpacks.
Suno sa station commander ginapatuman ini agud nga masiguro ang seguridad sang tanan nga nagalagaw sa Masskara, kag kun safe ang tanan magahatag ini sang maayo nga impression sa mga turista kag mabalik ang mga ini sa tagsa ka Masskara Festival.
