Ang naga-develop subong nga El Niño climate phenomenon ang ginkabig na nga pinakamabaskog sa record, santo sa mga scientists nga naga-monitor sang temperatura sang Pacific Ocean.
Sang Setyembre 19, ang temperatura sa sea surface sa bahin sang central-eastern Pacific ang nagadangat sa 3.05 degree Celsius, mas mataas sangsa 3.02 degree Celcius nga na-record nga Super El Niño sang 2015.
Makabig na nga naga-eksperyensya sang El Niño kun magsaka ang temperatura sa 0.5 degree Celcius gani ang subong nga record ang tuman na ka taas.
Ang California, sa Estados Unidos ang ginpaidalom na sa state of emergency agud mag-preparar sa ginalauman nga severe winter season tuga sang El Niño, nga magadala sang mabaskog nga pag-ulan kag madamol nga snow, kusog nga pagmadlos sang hangin, landslide, kag iban pa.
Nagapreparar naman ang mga gobyerno sa Asya nga rehiyon para sa ginapaabot nga epekto nga dala sang ginapatihan “most severe El Niño” sa record, partikular na ang tuman ka init nga temperatura, mga pag-ulan kag pagbaha, kasubong man ang drought kag food shortages sa nasambit nga rehiyon.
Nagpaandam naman ang World Food Programme nga masobra 50 million ka tawo ang mangatubang sang severe hunger ukon tig-gulutom.
