Gintalakay ni Senate Impeachment Court Presiding Officer Francis “Chiz” Escudero ang isyu angot kay hostile witness OVP Assistant Chief of Staff Lemuel Ortonio nakaligad nga hearing, antes pa ginsuguran ang ika-20 nga adlaw sang impeachment trial.
Ini ang may kaangtanan sa mga naglapta nga litrato ni Ortonio nga may suksok nga earpiece samtang nagahatag sang testimoniya sa impeachment court.
Suno kay Escudero, matapos nga ginverify, nangin maathag nga AI-generated ang litrato kag ang nakita amo ang front-fold helix ear piercing kag indi communication device.
Sa pihak sini, nagpagwa sang mas hugot nga derektiba ang Impeachment court sa pagdumili sa mga testigo sa paggamit sang ano man nga mga device ukon gadget nga mahimo makapadala kag makabatun sang mga impormasyon.
