Ginpahayag ni House Deputy Minority Leader France Castro nga sala ang pagbakal sang boto, kasunod sa pagflag sang pila ka mga miyembro sang Kamara ang isa ka kampanya para sa charter change, kun sa diin ginhambalan ang mga alkalde nga maghatag sang P100 sa tagsa ka mga constituent nga magaperma sang isa ka petisyon agud i-amend ang isa ka constitutional provision nga nagadirekta sa chambers sang Kongreso nga separado nga magboto kun nagamodify sang Konstitusyon.
Sa interview sang Bombo Radyo kay ACT Partylist Rep. France Castro, indi insakto ang pagbayad sa mga pumuluyo agud baklon ang ila boto ilabi na nga dako ini nga desisyon para sa pungsod.
Panawagan sini nga indi basta-basta nga magpirma bangod lang sa kwarta bangod ini makaapekto sa bwas-damlag sang Pilipinas.
Pahayag ni Castro, kun mabuksan ang ammendment sa constitution, ini magabukas man sa tanan nga provision bisan pa nga maghambal pa nga economic provision lang ang buksan, wala ini nagapati.
Para kay Castro, ang gobyerno dapat nagfocus sa pagpanubo sang inflation, pagpasaka sang sweldo, kag isyu sa West Philippine Sea kag iban pa nga mga isyu sa pungsod kag indi sa Charter Change nga indi man ang sabat sa problema sang Pilipinas.
