Ginka-alarma sang Police Regional Office-Negros Island Region (PRO-NIR) ang nagapabata nga edad sang naga-enggage sa illegal drug activity.
Sa interview sang Bombo Radyo Bacolod kay Police Lt Col. Joem Malong, spokesperson sang Police Regional Office-Negros Island Region (PRO-NIR), nadiskusyunan na nila ang angot sa pabata nga edad nga nagakadakpan nga imbulbado sa illegal drug activities.
Suno kay Malong, bangud may yara sang Oplan Balik Eskwela, ang mga kapulisan ang magapatigayon sang information drive agud nga ang mga estudyante ang mapahibalo sang indi maayo nga epekto sang illegal nga druga.
Magluwas sa information drive mas ginpasanyog pa sang PRO-NIR ang intelligence monitoring agud mahibaluan kun sa diin pa ang mga ini connected.
Magapatigayon man ang mga ini sa paghinun-anon sa mga ginikanan paagi sa eskwelahan.
Nagpanugyan si Malong sa mga ginikanan nga bantayan gid ang mga kabataan kag hibaluon ang mga grupo sang mga ini kasubong man ang mga kabataan nga dapat hibaluon man ang grupo nga ginaupdan agud malikaw sa malain nga impluwensya.
