May na-identify na ang Bacolod City Legal Office nga mga persona nga nagpalapta sang fake news sa social media nga mahimo nga mapasakaan sang kaso.
Suno kay Bacolod City Mayor Alfredo ‘Albee’ Benitez, gin-athag sini nga pasakaan sang kaso sang city legal office ang mga indibidwal nga nagpalapta sang fake news.
Suno diri, ginatrabaho na ang pagpangita sa mga details sang mga persona nga naghatag sang alarma sa publiko.
Sa karun may na-identify na nga mga tawo nga mahimo pasakaan sang kaso agud nga mahatagan sang leksyon ang mga ini.
Madumduman nga nakaligad sang Agosto 15, gindeploy ang van sang ciudad para mag-assist sa mga nastranded nga pasahero sang transport strike.
May yara sang nakabutang nga signage sa van nga ‘Libre Sakay’ kag may staff sang ciudad ang nagarekord kun pila ang pasahero nga na-cater.
Apang, may yara sang nagkuha sang picture sang van kag nagpost sa social media nga may nagalibot nga van nga nagapang-ingganyo sa mga tawo nga magsakay samtang may yara man sang alegasyon nga may isa nga ginbutong kag gintutokan sang patalom.
Pahayag ni Benitez, magapangayo ini sang assistance sa mga enforcement agencies para maghimo sang necessary nga tikang.
