Nagapamakal sa Libertad Public Market, isa nalang ka putahe ang tigkalalag; Iban nga pagkaon, orderon na lang agud makatipid

Isa na lamang ka putahe ang lutuon sang isa ka bumalakal sa Libertad Public Market para sa tigkalalag, kag ang iban ang iya na lamang nga i-order bangod sa pagmahal sang mga ingredients.

Sa interview sang Bombo Radyo Bacolod kay Molina, bayi-bayi na lamang ang iya lutuon kun sa diin kalamay kag lubi lamang ang kinahanglan.

Ang iban nga luto kaangay sang suman ang iya na lamang orderon.

Suno diri, may nakontrata na ini sa ila lugar nga mabaklan sang balor P200 nga suman.

Luwas diri, i-order na man lang niya sa online ang iban pa nila nga pagkaon subong nga tigkalalag.

Ini bangod sila ang mas magastuhan pa kun sila mismo ang magaluto.