Natak-an na sa pasulit-sulit nga pagpahanumdom ang Medical Center Chief sang Corazon Locsin Montelibano Memorial Regional Hospital (CLMMRH) sa Philippine Health Insurance Corporation (PhilHealth) angot sa ila nga balayran.
Nagapati si Dr. Julius Drilon nga nagapangita nalang sang marason ang ahensya sa indi pagbayad sa Regional Hospital, apang sa kamatuoran wala na sang budget ang gobyerno.
Panugyan sini nga akuon nalang sa iya kun ano ang matuod nga rason kun ngaa indi makabayad ang ahensya sa ospital.
Dugang pa ni Drilon nga ang problema sa pagbayad sang PhilHealth ang humalin pa sang 2016.
Samtang ginpakigbahin man sini nga naga-admit ang ospital sang non-COVID patients.
Ginatinguhaan naman nila nga mapadali ang pagdischarge sa mga positibo sa COVID-19 agud madugangan ang bed capacity kag makabatun sang dugang nga non-COVID patients.
Suno kay Drilon, ang mga wala na sang sintomas sang COVID nga gin-admit sa ospital ang ginatranser nalang sang mga ini sa mga quarantine facility agud nga makapasulod sang mga pasyente nga kinahanglan nga ma-admit.
