Aminado ang alkalde sang banwa sang Toboso nga reyalidad na nga kun may linupkanay, ang mga residente ang manerbyos apang mensahe sini nga tinguhaan nga makapadulong sa lugar kun sa diin sila ang hilway.
Kabug-usan nga 168 household ukon 653 individuals ang nag-evacuate bangud sa nagluntad nga engkwentro.
Naglab-ot na sa masobra 360 ka indibidwal ang temporaryo nga gin-evacuate bangud sa nagluntad nga engkwentro sa tunga sang 79th Infantry Division sang Philippine Army kag mga ginapatihan nga katapo sang New People’s Army sa sa Sitio Sinugmawan, Brgy Salamanca, banwa sang Toboso, Negros Occidental alas-3:58 kahapon sang kaagahon.
Sa inisyal nga data nga ginpagwa ni Toboso Municipal Mayor Richard Jaojoco, nag-evacuate ang 85 ka household ukon 303 individuals gikan sa Brgy Salamanca nga nagatinir sa Salamanca Elementary School; anum naman ka household ukon 24 ka indibidwal gikan sa Brgy San Jose ang nagatinir sa Toril Elementary School; kag ang nag-evacuate nag 77 ka household ukon 326 individuals gikan sa Brgy San Jose, ang ang nagatinir sa Labi-labi Elementary School.
Panugyan sang alkalde sa mga residente nga dapat unahon gid sang mga residente ang ila nga safety samtang nagahulat sang update nagikan sa militar.
