Nagdangat na sa 13 ang kumpirmado nga kaso sang pertussis ukon whooping cough sa probinsiya sang Negros Occidental.
Suno kay Negros Occidental Provincial Health Officer Dr. Girlie Pinongan, kalabanan sa mga nag-positibo ang mga lapsag nga naga-edad zero to nine months (0-9 months) samtang may iban man nga school-aged children.
Suno kay Pinongan sa 54 ka mga pertussis-related cases sa probinsiya, 24 ang nag-negatibo samtang may 17 nga probable cases ukon ginahulat pa ang resulta sang laboratory test sa ila mga swab samples nga ginpasa sa Research Institute for Tropical Medicine (RITM).
Samtang, ginpaalinton ni Dr. Pinongan nga naguwa na ang resulta sa lab test sang duha ka bulan nga lapsag nga napatay sa isa ka district hospital sang damlag lang ang nag-negatibo ini sa pertussis.
Bangud sini, nagapabilin nga isa ang patay bangud sang amo nga balatian sa probinsiya. Ini ang one-month old nga lapsag nga ginbawian sang kabuhi sa regional hospital.
Nagapatigayon man sa karun ang Provincial Health Office sang catch up vaccination kun sa diin 30 mil ka mga kabataan ang fully immunized na kag ang lalagson nila para mabakuhan ang 14,000 ka mga kabataan.
