UKRAINE – Gin-anunsyar sang Ministry of Interior sang Ukraine nga 352 na ka mga sibilyan ang nagkalamatay humalin sang nagsugod ang pagsalakay sang Russia.
Suno sa Ministry, 14 sa mga nagkalamatay ang mga kabataan.
Samtang 1,684 naman ka iban pa nga residente ang napilasan lakip ang 116 ka mga kabataan.
Madumduman nga nagmando sang wide-range attacks sa Ukraine si Russian President Vladimir Putin sang Huwebes, kun sa diin apektado ang masamo nga mga syudad kag bases pinaagi sa air strikes ukon shelling kag ang mga ini ang nag-atake sa kadutaan man ukon sa kadagatan.
Wala naman naklaro sa statement ni Health Minister Viktor Liashko kun magkaupod na ang military personnel kag sibilyan sa figures.
Una naman nga nagpahayag ang Ukranian officials nga masobra sa 3,500 ka mga Russian soldiers ang napatay na bangod sa gyera.
Nagpahayag ang United Nations nga nakakumpirmar na ang mga ini sang indi magnubo sa 240 ka mga civilian casualties bangod sa pag-ilinaway, kalakip na ang indi magnubo sa 64 ka mga indibidwal nga nagkalamatay, apang ginapatihan nga mahimo mas mataas pa ang matuod nga figures bangod madamo sang reports sang casualties ang wala pa sa gihapon makompirmar.
Indi magnubo sa 368,000 ka mga pumuluyo ang nagpalagyo gikan sa Ukraine padulong sa Poland kag mga kaingod nga mga pungsod agud nga makaluwas sa Russian invasion santo sa UN Refugee Agency.
