Ginabanta P360,000 ang balor sang kahalitan sa sunog nga nagluntad a Barangay Mandalagan, Bacolod City kahapon.
Isa ka residential area ang nasunog kun sa diin nagapadayun pa sa karun ang pag-imbestigar sang Bureau of Fire Protection (BFP) sa gintunaan sang sunog.
Ginalantaw nga ang kalayo ang nag-umpisa sa kwarto nga gina-ukopa sang ginkilala kay Larry Fernandez, apang wala pa matumod ang rasun.
Ginapakamaayo naman nga wala sang tawo sa balay sang natabo ang sunog.
Samtang isa naman ka Hydrogen Tank nga ginagamit sa pagtughong sang hangin sa mga baloons ang naglupok kahapon sa Barangay Vista Alegre nga nagresulta sa pagkasamad sang apat ka indibidwal.
Duha sa mga nasamaran ang menor de edad samtang ang duha naman ang ginkilala kanday Cyrus Catiga, 32 anyos kag Efren Villamor, 70 anyos nga lunsay nag-angkon sang minor injuries.
Ang balor sang kahalitan nga tuga sang naglupok nga hydrogen tank ang ginabanta nagabalor sang P240,000.
