Duha pa lang ka mga political aspirants sa ciudad sang Bacolod ang nakafile sang ila nga Certificate of Candidacy para sa 2025 midterm elections.
Sa pahayag ni Bacolod City Election Officer Atty. Revo Sorbito, ang nakafile pa lang sang COC amo si anay Bacolod City Mayor Evelio ‘Bing’ Leonardia sa una nga adlaw para sa pagka-Congressman kag sa ikaduha nga adlaw amo si Romy Gustilo sa ikaduha nga adlaw sang COC filing agud magpadalagan bilang kongresista sang Lone District sang Bacolod City.
Suno kay Sorbito, matawhay kag secured ang premises kun sa diin ginapatigayon ang COC filing sang mga political aspirants.
Suno diri, nagakahangawa sila nga sa ulihi nga adlaw magtingob sa pagfile sang COC ang mga political aspirants.
Ini bangud ayawan na sila katsekyar sang COCs kag iencode pa ini sang COMELEC personnel kag mahimo magab-ihan man sila bangud kinahanglan nila pa nga magpasa sang ila mga reports.
Nagalaom ang Election Officer sang Bacolod City nga magfile na ang mga aspirants sa 3rd kag 4th Day sang filing sang COC.
Suno sa Comelec Officer nga may yara naman sang naga-koordinar sa iya angut sa adlaw sang ila pag-file apang nagapati ini nga may mga changes sa bahin sang mga magapapili.
Ginaengganyo sini anfg mga aspirants nga indi na paghulaton ang ulihi nga adlaw sang COC filing para sa 2025 midterm elections.
