Masobra P8 billion ang naggasto sang Commission on Elections (Comelec) para sa nagapadayon nga preparasyon para sa maabot nga Barangay kag Sangguniang Kabataan Elections (BSKE).
Ang nasambit nga eleksyon natalana sa una nga semana sang Nobyembre 2026, bisan pa nga may mga proposal nga i-postpone ini liwat.
Sa interview sang Bombo Radyo kay Comelec Chair George Garcia, ginpahayag sini dako na nga porsyon sang pondo sang COMELEC ang nagasto na sa pagpreparar sang election paraphernalia, kasubong sang pag-imprinta sang balota.
a karon, nagapabilin ang balanse nga P11 billion nga ginpain sang komisyon para sa honoraria sang mga manunudlo, gasto sa trainin, kag sa ulihi nga pagdeploy sang mga kagamitan sa piniliay.
Natalana nga pamatian sang Senado ang proposal nga ipaiway ang 2026 BSKE sa masunod nga mga semana, kag ginpahayag ni Garcia nga magatambong ini sa hearing agud ipresentar ang estado sang preparasyon sang komisyon.
Ginpahayag ni Chairman Garcia nga magluwas lang kun kanselahon ang election, padayunon sang komisyon ang preparasyon sini, lakip na ang paghimo sang contingency measures.
Base sa record sang COMELEC, halos 70 million ka mga Pilipino ang qualified nga makaboto sa 2026 Barangay kag Sangguniang Kabataan Elections (BSKE).
