Paga-imbestigahan sang Bacolod City Legal Office ang sitwasyon sa Vendors Plaza matapos nga makuhaan sang video nga may naga-amat amat kuha sang mga materyales nga yara sa sulod sang Vendors Plaza.
Suno kay City Legal Officer Atty. Romeo Carlos Ting, Jr., makig-angot ini kay Retired Gen. Primitivo Tabujara, pinuno sang Public Order and Safety Office (POSO) sa pagpatsekyar kag pagbantay sa lugar.
Suno diri, nakita nga may mga nagakuha sang materyales sa Vendors Plaza kaangay sang kabilya kag trusses kag sa karun wala pa nakilal-an kun sin-o ang mga tawo nga nagsulod.
Suno kay Ting, dilikado ang pagpangkuha sang mga materyales bangod posible nga madisgrasya ang mga ini.
Ginakahangaw-an man sini nga magkaproblema bangod nga wala pa na-evaluate sang Commission on Audit (COA) ang waste materials.
