Labi pa nga ginpamatud-an sang Bombo Radyo Philippines ang pagka-no. 1 kag most trusted radio network in the country sini matapos nga nagdaog kag nahatagan sang pagkilala ang mga programa sini sa 45th Catholic Mass Media Awards.
Duha ka mga programa sini ang nakabaton sang dalagko nga award samtang lima ka iban pa nga mga programa sang Bombo Radyo Philippines kag Star FM ang nahatagan sang special citations.
Nagdaog sa kategorya nga Best Public Service Program ang Good Morning Philippines sang Bombo Radyo Iloilo.
Samtang, Best Entertainment Program naman ang “Star Weekend Favorite Lenten Special” sang 95.5 Star FM Cebu.
Nahatagan man sang special citation ang mga masunod nga programa: Best News Feature: “Star FM Exclusive: Nanay sa Gyera” sang 95.9 Star FM Bacolod; Best Entertainment Program: “Bombo Lifestyle” sang DZWN Bombo Radyo Dagupan; Best Educational Program: “Pinoy Memories” sang 102.7 Star FM Manila; Best News Commentary: “Bombo Special Report” sang Bombo Radyo Philippines; Best Public Service: “Kahapon Lamang Program” sang DYWB Bombo Bacolod.
Sa kabilugan nga walo ka kategorya, anum diri ang may finalist entry sang Bombo Radyo kag Star FM.
May mga tion pa nga ang Bombo Radyo kag Star FM na gid lamang ang halos nagakontrahanay sa pila ka mga kategorya.
Kaangay na lamang sang Best Public Service Program, nakabaton sang special citation ang Bombo Radyo Bacolod samtang winner naman ang Bombo Radyo Iloilo.
Sa Best Entertainment Program kun sa diin may special citation ang Bombo Radyo Dagupan, big winner ang Star FM Cebu.
Ang padayon nga pagkilalala nga ini ang nagahatag ligwa sa promisa sang network sa paghimo sang content nga may pinakamataas nga kalidad kag nagahimo sang positibo nga epekto sa sosyodad.
Nagikan sa 31 fully digitalized AM kag FM stations, ang Bombo Radyo ang nagapabilin nga nakatutok sa serbisyo publiko.
Wala sang untat ang pagpasalamat sang Bombo Radyo Philippines sa mga tagpalamati sini sa bilog nga kalibutan.
