Natumod na sang mga kapulisan sang Dumaguete City ang nagkawat sa rebulto ni Saint Catherine of Alexandria sa Dumaguete Cathedral sa Dumaguete City, Negros Oriental sang Martes.
Sa interview sang Bombo Radyo Bacolod kay Police Captain Julius Peniaflorida, Chief Investigator sang Dumaguete City Police Station, ang babayi nga suspek ang natumod na nila paagi sa plate number sang motorsiklo nga gingamit sini sa pagpalagyo nga nakita sa CCTV sang ciudad.
Suno kay Peniaflorida ang motorsiklo ang ginapanag-iyahan sang iloy sang suspek kag natumod nga nagapuyo sa isa ka Barangay sa nasambit nga ciudad.
Ang babayi ang may deperensya sa paminsaron kag may utod man ini nga ginpaidalom sa rehabilitation bangud may deperensya man sa paminsaron.
Ang iloy mismo sang suspek ang nagpahayag nga sang Martes daw may ginaluto kag ginasunog ang bata sini sa ila balay.
Indi naman magpasaka sang kaso ang Monsignor sang Dumaguete Cathedral batok sa suspetsado.
Suno sa Chief Investigator duha lang ka rason nakita sang mga ini nga ginkuha ang kamot sa rebulto ni Saint Catherine of Alexandria.
Ini ang ginalakipan sang pagdumdom nga himo sa Ivory ang santos apang ini ang himo sa kahoy kag himuon nga bulong.
Sa karun case close na ang nasambit nga insidente sang pagpangawat.
