Ginalantaw nga malfunction sa preno ang rason sa pagkahulog sang tractora sa pil-as sa Hda Loygoy, Brgy Granada, Bacolod City, kaina sang aga.
Sa interview sang Bombo Radyo kay Police Major Ramel Sarona, hepe sang Traffic Management Office sang Bacolod City Police Office, sa inisyal nga imbestigasyon malfucntion sa preno ang natabo amo nga nagderetso sa pil-as ang tractora.
Sakay sa trailer sang tractora sanday Herwin Martinez kag Reynato Sause samtang ang drayber naman amo si Mario Tandog.
Pagkadagdag sa pil-as natigayon nga makalunmpat sanday Martinez kag Sause kun sa diin nag-agom sang minor injury si Sause kag gindala sa ospital nga yara na sa estable nga kondisyon.
Samtang, wala naman nakaluwas ang drayber nga si Tandog nga napit-agan sang manibela sang nagbaliskad ang truck sang nadagdag.
