Mas madutay ang mga numero sang mga nagbisita sa minatay sa mga sementeryo sa ciudad sang Bacolod sa adlaw sang Nobyembre 1 subong nga tuig, kun ipaanggid sa Nobyembre 1 sang tinalikdan nga tuig.
Sa paglibot sang Bombo News Team sa nanarisari nga mga sementeryo, kalakip na ang Burgos Public Cemetery, Roman Catholic Cemetery, Handumanan Public Cemetery, Greenhills Chinese Cemetery kag Green Hills Memorial Park, magamay pa lamang ang mga nagbisita.
Sa Burgos Public Cemetery, isa man sa ginalantaw nga rasun sa pagnubo sang bisita amo ang pagsarado na sang sementeryo sa paglubong gani, kalabanan nga bag-o nga minatay ang ginalubong na sa Handumanan Public Cemetery.
Samtang isa man sa nakacontribute sa pag-iwat sang bisita amo ang tagiti sang init.
Madumduman nga tinalikdan nga tuig, haluson makahulag ang mga bisita sa kagutok sang Handumanan Public Cemetery.
Sa pihak sini, madamo man sang mga vendors sa gwa sang sementeryo kalakip na ang mga nagabaligya sang agogo, ice cream kag iban pa nga mabugnaw nga makaon.
Kasubong man ang mga nagabaligya sang bulak kag kandila kasubong man ang mga nagapatuob.
Plastado man ang police assistance desk kag medical team sa kada sementeryo samtang nakastandby man ang mga ambulansya sa mga dalagko nga public cemetery.
Nagpatuman man sang road closures sa pila ka mga sementeryo.
Ginalauman nga sumugod alas-4:00 subong nga hapon, magasaka pa ang numero sang mga magabisita sa mga sementeryo.
