Malapit na sa 4,000 ka mga pumuluyo ang nagpaidalum sa surveillance testing sa Bacolod City sa bilog nga bulan sang Oktubre.
Sa interview sang Bombo Radyo kay Dr. Chris Sorongon, surveillance testing head sa Emergency Operations Center sa ciudad, nagdangat na sa 3,923 ang mga pumuluyo sang Bacolod nga nagpakigbahin sa surveillance testing agud matumod ang mga infected sang coronavirus.
Suno kay Sorongon, 121 ka mga persona ang average nga nagapakuha sang swab test kada adlaw kag ginalauman sini nga mas madamo pa nga surveillance test ang patigayunon.
Suno sa iya, malapit 300 ka mga market vendors pa ang wala nakuhaan sang swab test kag kahapon, may mga vendors nga nagpakuha na sa Bacolod Bays Center.
Suno kay Sorongon, sa masunod nga semana, mga frontliners naman ang ipaidalum sa surveillance pool testing.
