Ginatumod na sang kapulisan kun sin-o ang una nga nagpalapta sang text message nga nagapamahog sang mass shooting sa St. John Institute Bacolod ukon Huaming sa Tindalo Ave., Brgy Villamonte, Bacolod City.
Sa mensahe, ginabuyayaw sini ang mga ginikanan sang mga estudyante sa Huaming kag nagpamahog nga siya ang magadala sang pusil kag paniruhon ang mga kabataan.
Dugang pa sini nga ini ang ila pagtimalos sa Humaing administration sa gina-alegar pag-overworks sa ila sa pagbalik sang whole day face to face classes.
Ang pagpamahog ang nakasulat paagi sa text message sa isa ka cellphone, kag ini ang ginkuhaa sang litrato nga amo ang nagalapta sa groupchat sang mga ginikanan kag kabataan.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, ginavalidate pa nila kun sin-o gid ang una nga nagpalapta sang mensahe kag kun ini ang ba+-g-o ukon ginrecycle lamang.
Isa sa konsiderasyon ang pahayag nga “whole day face to face classes” bangod ini ang madugay naman nga napatuman.
Para sa safety sang kabataan, ginpapauli ang mga ini kag nagshift na lamang sa online classes.
Samtang may mga gindeploy naman nga kapulisan sa pagmonitor sang eskwelahan ang Bacolod Police Station 2, Special Weapons and Tactics (SWAT) personnel kag gikan sa Mobile Patrol Unit.
Pahanumdom ni Tolentino nga seryoso ang pagtutok nila sa kaangay nga mga pagpamahog.
