Ginpahayag sang gobernador sang Negros Occidental nga wala ini sang may nabaton nga report nga may pagpamahog sa mga local elected officials samtang nagahilapit ang Barangay and Sangguniang Kabataan Elections.
Suno kay Governor Eugenio Jose “Bong” Lacson, ginakasubo sini ang mga insidente nga nagabasahan sini tuhoy sa mga pagpamahog nga nagakabaton sang mga local officials.
Suno kay Lacson, apisar nga wala sang threats sa Negros Occidental, dapat sa gihapon nga maghalong kag nagalaom ini nga mangin safe kag malinong ang sitwasyon tubtob ang Eleksyon.
Wala man ini sang may nabaton nga report nga naga-init ang sitwasyon sa probinsya.
Suno sa iya, masako ang mga opisyales sang barangay sa pagpreparar bangud ila na narealisar nga madayon ang pagpiniliay subong nga tuig kag wala na sang extension.
Nagpasalig naman ini sa mga luyag magpadalagan nga siguruhon sang Provincial Government nga mangin malinong ang Eleksyon.
