Mas nagdamo ang nagrehistro kag nag-renew sang negosyo sa Department of Trade and Industry (DTI) subong nga tuig nga nagdangat sa kapin 873,000.
Ini ang mas mataas sang three percent kun sa diin ang retail trade establishments ang may pinakadako nga porsyon sang naga-file.
Sa data sang ahensya, ang filings yara sa 873,555 nga mas mataas sa 846,714 nga na-record sang Enero tubtob Septyembre 2023.
Ang listahan nga nagasakop sang January to September 15 ang nagalakip sang 727,260 new registrations, ukon 88.45 percent sang kabilugan, samtang ang nabilin nga 100,864 ang lunsay renewals.
Masobra tunga ukon 532,797 sang applications ang gin- file sa barangay level samtang ang sa mga syudad naman ang yara sa 189,997.
Ang mga negosyo nga naga- engage sa retail trade business, nga kalabanan amo ang sari-sari stores ang nagabug-os sang 55.80 percent sang total nga may 487,512 registrations.
Ang accommodation kag food service category ang may yara sang 122,629, samtang ang manufacturing may yara sang 49,338 kag real estate nga may 43,615.
Nagapanguna ang Region IV-A nga may 165, 208 registrations; National Capital Region (NCR) nga may 140,227; Region III nga may 115,369; Region VI nga may 59,627, kag Region VII nga may 53,183.
