Masobra sa duha ka persona ang ginalantaw sang kapulisan nga responsable sa pagpatay kay Freya Mae Go.
Madumduman nga nasapwan ang bangkay ni Freya sa kahilamunan nga bahin sang Barangay 12, Bacolod City sang Oktubre 22.
Nagtukod naman sang Special Investigation Task Group ang Bacolod City Police Office para magtutok sa imbestigasyon.
Sa interview sang Bombo Radyo Bacolod kay Police Col. Joeresty Coronica, City Director, Bacolod City Police Office, nagapadayon ang ila imbestigasyon kag nagtukod sila sang Special Investigation Team nga ginapangunahan sang Deputy City Director for operations kag ang miyembro ang Chief sang City Intelligence Unit, Chief City Investigation Direction Unit kag ang mga intel operatives, investigators, station commander sang Bacolod Police Station 1 kag ang investigator sang nasambit nga police station.
Suno kay Coronica gin-upod ang mga ini kag ginhatagan sang tagsa ka mga ulubrahon agud nga mas mapadasig ang imbestigasyon sa kaso.// Suno sa City Director, may yara na sila nga angulo nga ginalantaw kag mga persons of interests sa pagpatay kay Go.
Padayon ang imbestigasyon sang mga kapulisan agud nga matumod ang motibo sang krimen.
Ang iloy ang nagacoordinate sa mga kapulisan samtang ang amay ang naestorya naman sang mga otoridad.
