Nagsaka na sa anom ang numero sang mga empleyado sang syudad sang Bacolod nga nagtaliwan bangud sa ginaalegar kumplikasyon nagikan sa COVID 19.
Kaina sang aga, ginkompirmar sang city administrator sang Bacolod nga may isa naman ka empleyado sang city government nga ginbawian sang kabuhi matapos matapikan sang virus.
Sa interview sang Bombo Radyo Bacolod kay City Administrator Em Ang, ang babayi nga empleyedo ang naassign sadto sa Old City Hall apang ginpawork from home ini humalin sang bulan sang Marso sang nag-umpisa ang pandemya.
Suno kay Ang, may yara sang pre-existing medical condition ang nasambit nga empleyado gani ginpawork from home ini.
Ang nagtaliwan nga COVID patient ang residente sang Barangay 9, Bacolod City.
Wala pa natumod kun sa diin kag paano nalatnan sang virus ang female employee.
