Halos indi makapati ang graduate sang University of the Philippines Los Banos sang nag top 3 ini sa Agriculturists Licensure Examination sang 2025.
Ang licensed agriculturist nga si Angel Vi Espinosa Manong ang nag-share sang iya mga inagyan nga kabudlayan samtang naga-eskwela sang kurso nga Bachelor of Science in Agricultural Biotechnology.
Si Espinosa ang nakaeksperyensiya sang dorm life humalin pa sang highschool pa lang ini tubtob college.
Suno sa iya, nabudlayan gid ini sang pagreview bangud nangin fulltime office assistant ini sa UPLB.
Dugang pa niya, naglain ang iya pamatyag pag-take sang board exam.
Apang ang tanan nga kabudlayan ang nabaylohan sang kalipay sang natukiban na niya ang exam result kun sa diin nag top-notcher ini.
Mensahe niya sa kabataan nga indi magpangduwa-duwa sa pagkuha sang kurso nga ginalaum ukon lantawon kun ano ang sarang ikabulig sa sociodad kag ini mag-serbe nga misyon sa kabuhi.
