109 ka mga indibiwal ukon 32 ka mga pamilya ang nahalitan sang sunog nga nagluntad sa Prk Lampirong compound sa Brgy 2, Bacolod City, kahapon sang hapon.
Santo sa record 23 ang totally damaged nga balay samtang anum naman ang may partially damaged nga balay, kag may yara sang isa ka sharer kag duha ka renter.
Sa interview sang Bombo Radyo kay Barangay Kagawad John Rey Balandra, nagpadala na si Congressman Alfredo Benitez sang pagkaon para sa mga nasunogan.
Suno diri, nagpadala man ang Disaster Risk Reduction and Management Office (DRRMO) kag Department of Social Welfare and Development (DSWD) sang folding bed, food pack, hygiene kits kag water jugs.
Suno kay Balandra, ginabanta nga 10 ka pamilya lamang ang nagtinir sa evacuation center bangod kalabanan nagtinir sa ila mga himata.
