Nagdangat na sa masobra 37,800 ang nahatagan sang financial assistance sa idalom sang Unified Package for Livelihoods, Industry, Food, and Transport (UPLIFT) program sang Department of Social Welfare and Development (DSWD) sa bug-os nga Negros Island Region.
Sa interview sang Bombo Radyo Bacolod kay DSWD NIR Director Erwin Razo, ang ginbasehan sang ahensya sang makabaton sang nasambit nga financial assistance amo ang Philippine Statistics Authority (PSA) Community-Based Monitoring System (CBMS).
Suno kay Razo, nagdangat sa P75.7 million ang na-release nga pondo para sa masobra P37,800 beneficiaries sa bug-os nga rehiyon.
Suno kay Razo, massive naman kag simultaneous ang pagpanagtag sang ahensya sang financial assistance sa idalom sang UPLIFT sa bug-os nga rehiyon.
Nahibaluan ang UPLIFT ang may tinutuyo nga makabulig sa mga vulnerable households kasunod sang mataas nga inflation sa pungsod.
Sa pihak nga bahin nagapadayon man ang paghatag sang ayuda nga P10,325 sa mga small sugar farmers kag labourers nga naapektuhan sang Red Striped Soft Scale Insect infestation sa rehiyon paagi sa Emergency Cash Transfer.
Suno kay Razo, ang ginagamit naman nga pondo para diri ang disaster fund.
