Ginpahayag sang iloy sang Bornales siblings nga indi na sini pag-ipauli ang iya mga bata sa ila balay sa Hacienda Badiang, Brgy. E. Lopez, Silay City.
Sa interview sang Bombo Radyo kay Ronelyn Montañez Ansiano, wala pa gid ini nakapadulong sa haya sang iya 9 anyos nga bata nga babayi bangod nagatinir ini sa ospital sa pagbantay sa bata niya nga 4 anyos nga lalaki kag 15 anyos nga babayi.
Suno diri, nagasaylo-saylo lang ini bantay sa duha niya ka bata apang plano sini nga magpauli sa Sabado para sa lubong sang iya 9 anyos nga bata sa Dominggo.
Suno kay Ansiano, ang 4 anyos naga-esturya na kag yara na sa estable nga kondisyon samtang ang 15 anyos naman nagabugtaw lang kag nagatulog naman.
Aminado si Ansiano nga wala ini sang balita sa development sa imbestigasyon bangod nagatutok ini anay bantay sa iya bata.
Wala naman siya sang plano pa nga magbalik trabaho sa luwas sang pungsod kag nagdesisyon na ini nga indi na niya pagpulion sa ila balay ang mga bata agud malikawan nga madumduman sang mga ini ang natabo.
Pahayag ni Ansiano, ginapangamuyo sini nga mag-ayo ang duha niya ka bata kag kun nagabato ang mga ini, siya mismo nga iloy ang magabato man.
