Nagdangat sa P97 million ang balor sang shabu ang nakumpiskar sa una nga pito ka bulan nga pagpungko ni Bacolod City Police Office Director Police Col. Joeresty Coronica.
Sa interview sang Bombo Radyo Bacolod kay Coronica, sa pito sini ka bulan nga pagpungko bilang city director natigayon nga makumpiskar ang 14 kilos nga shabu kag 1.5 kilos naman sang marijuana.
Ang shabu ang nagabalor sang P97,831,742.80 samtang ang marijuana ang nagabalor sang P184,739.64.
Suno kay Coronica, nakapatigayon sila sang 337 anti-illegal drug operations kag nakaaresto sang 435 ka mga drug personalities.
Sa pito man ka bulan nga pagpungko sang BCPO director natigayon nga madakpan ang 77 most wanted persons kag 240 arrested other wanted persons.
Nakapatigayon man ang BCPO sang 113 illegal gambling operations, nakaaresto sang 348 kag nakakumpiskar sang 24 loose firearms.
May yara man sang duha ka madinalag-on nga naserbehan sang search warrant kag walo naman ang nadakpan sa gun ban.
Suno kay Coronica sang pagpungko sini nga bilang city director ginpahayag sini nga ang template nga gingamit sini sa pagserbisyo sa ciudad sang Iloilo ang gingamit man sini sa ciudad.
Suno diri, mas ginpasanyog pa sini ang paghatag sang serbisyo bangud ini ang residente sang ciudad sang Bacolod.
Ginpahayag sini nga wala ang BCPO nagset sang target ilabi na sa illegal nga druga bangud wala mahibaluan kun sin-o kag pila ang nagahampang sa nasambit nga illegal nga buluhaton.
Aminado man ini nga ang accomplishment sa karun ang mas dako ang kinalain kumparar sang nakaligad nga tuig.
Dugang pa sini ang tinutuyo lamang sini amo ang makaaresto pa sang madamo nga drug personalities ilabi na ang mga High Value Individuals kag Street Level Individuals santo man sa ila nga baseline.
