Nagapanawagan ang tiya sang 17 anyos nga dalagita nga namissing sa Barangay Ma-ao, Bago City humalin sang Domingo, sa sin-o man nga nakakita sang iya nga hinablos.
Ang dalagita ang ginkilala nga si Rica Jane Decendario, 17 anyos, Grade 11 student sang Our Lady Of The Pillar Academy sa Barangay Ma-ao, Bago City kag residente sang Crossing Mining, Purok Timawa sa nasambitan nga Barangay.
Sa interview sang Bombo Radyo Bacolod kay Marivic Rosme, tiya ni Rica Jane, sang Domingo sang aga ang dalagita ang naglisensya sa iya nga lola nga ini ang magapadulong sa iya lola sa Hacienda Remy, Barangay Atipuluan, Bago City kag magapangita sang trabaho bangod sa kapigaduhon.
Apang ini ang wala sa iya lola kag wala naman nakapauli sa sulod sang apat na ka adlaw.
Si Rica Jane ang nahibaluan nga subang sa anom ka mag-ulutod.
Suno kay Rosme, gin-estorya naman nila ang mga abyan sang iya hinablos apang wala man ang mga ini nakahibalo samtang wala man sang nahibaluan nga may nobyo ang dalagita.
Pahayag sang tiya, wala sang dala nga bayo sang maghalin si Rica Jane kag wala man sang cellphone bangod ini ang naguba.
Pangabay na lamang sini nga yara sa maayo nga kamot ang iya hinablos kag ini ang makapauli na.
