Luyag nga paimbestigaran ni House Minority Leader kag Alliance of Concerned Teachers (ACT) Partylist Representative France Castro ang undelievered nga gatas kag mga laptops.
Sa interview sang Bombo Radyo Bacolod sa kongresista, sa ginpatigayon nga budget hearing sa Department of Education kahapon, natukiban nga may mga nagkalapan-os nga gatas kag nutribuns kasubong man ang mga laptops nga wala natigayon nga madeliver.
Suno diri, may yara na sang house resolution sa transaction sang mga materials kag equipments nga wala nadeliver.
Paathag sini, may yara sang supplier apang lain naman ang nagadeliver bangod nga may yara sang nagkalain-lain nga contrata para diri.
Pahayag ni Castro bisan si DEPED secretary Sonny Angara ang nakibot sa nagalub-ok nga mga pagkaon nga yara sa warehouse.
Suno kay Castro dapat ini nga imbestigaran antes pa man makapalagyo ang may involvement diri.
Pahayag ni Castro, nagpasalig na si Angara nga ideliver ang mga ginprocure sang DEPED antes pa man matapos ang bulan sang Setyembre.
Samtang, mas madako naman sa karun ang proposed budget sang DEPED nga nagdangat sa masobra P700 billion.
