Nagdangat na sa 22 ang mga narecord nga napatay bangod sa pagtay-og sang 6.9 magnitude nga linog sa Cebu.
Ginalauman naman nga mahimo pa nga magsaka ang numero sang casualties.
Yara naman sa siyam ang mga napatay gikan sa Bogo City, nga epicenter sang linog.
Lakip sa mga napatay ang tatlo ka coast guard personnel, isa ka bombero, kag isa ka bata gikan sa mga banwa sang Medellin kag San Remigio.
Sa karun padayun ang rescue operations partikular na sa Northern Cebu bangod sa kahalitan sang pagtay-og nga nagguba sang madamo nga establishimento.
Nagpadala naman sang medical team ang Cebu Provincial Government, kag nagpanawagan sa mga volunteers nga mag-augment sang staff sa mga ospital agud ma-akumodar ang mga pasyente.
Amat-amat naman nga naga-abot sa Cebu Provincial Hospital, ang mga biktima sang linog.
Ang Philippine Institute of Volcanology and Seismology (Phivolcs) ang nakarecord na sang 282 ka aftershocks.
