69 na ang narekord nga napatay sa probinsya sang Cebu sang nagluntad ang 6.9 magnitude nga linog alas- 9:59 kagab-i.
Sa karun 69 na ang narekord nga napatay kag madamo sang pilason apang ginalauman nga magasaka pa gid ang numero samtang nagapadayon ang rescue operation kag assessment sa probinsya.
Anum na ka taytay ang indi magamit, apat ka building ang narumpag kun sa diin may yara sang isa ka simbahan nga narumpag kasubong man ang iban nga government offices.
Madumduman nga sa data sang Philippine Institute of Volcanology and Seismology (PHIVOLCS), ang pagtay-og ang natabo alas-9:59 kagab-i.
Una nga nareport nga magnitude 6.7 ang linog, apang ini ang ginpasaka sa 6.9 magnitude.
Masobra 600 naman ang aftershocks nga narecord sang PHIVOLCS.
Ang linog ang may kadalumon nga 5 km kag tectonic in origin.
Ginmanduan naman ni President Ferdinand “Bongbong” Marcos Jr. ang nagkalainlain nga ahensya sang gobyerno nga maghulag kag maghatag sang bulig sa mga apektado nga kumunidad.
Nagpalab-ot man sang pagpakig-unong ang Presidente sa mga nalisdan nga pamilya.
Sa karun, ginpaidalom na sa state of calamity ang probinsya sang Cebu.
Nag-issue naman sang advisory ang Archdiocese of Cebu, nga nagapanawagan sa mga kaparian sa northern Cebu nga indi anay gamiton ang simbahan sa misa tubtob nga wala pa nadeklarar nga safe gamiton.
Nahibaluan nga isa sa naguba sang linog ang Archdiocesan Shrine of Santa Rosa de Lima sa banwa sang Daanbantayan, Cebu.
